- درجة الحد الجبري: بتجمعي كل الأُسس بتاعت الرموز اللي في الحد، يعني مثلا : س (أُسّ 2) ص : الحد من الدرجة الثالثة عشان الأسس تلاتة، اتنين في س ، وواحد في ص.
- درجة المقدار الجبري: المقدار طبعا بيتكون من حدود جبرية، فهتعملي نفس الكلام: هتجمعي أسس كل حد لوحده، وتشوفي أكبر درجة لأكبر حد، بس مش هتجمعي الحدود مع بعض، مثلا: س (أُسّ 2) ص + س (أُسّ 3) ص (أُسّ 2) - س ص
هتلاقي الحد الجبري الأول: من الدرجة الثالثة، والحد الثاني: من الدرجة الخامسة، والحد الثالث: من الدرجة الثانية، يبقى المقدار الجبري كله من الدرجة الخامسة، اللي هي أكبر درجة في الحدود الثلاثة.